U einisch meh äs Wunger: am 16. April am Morge am Virtu vor zwöi hei mir aui dörfe zueluege, wie d Leila isch uf d Wäut cho. Hühnerhutmomänte u grossi Fröid! Super gmacht, Loa!

Scho nach zwöuf Stung isch d Leila zerscht Mau dusse gsy. Sit här wird sie sehr viu fotografiert u bestuunt.

Vo ganzem Härze wiukomme bi üs, chliine Prinzessin!

Nils hett si Feldtest guet gmeistert. Mir si sehr stouz uf ihn.

Är hett sicher nicht super Note gmacht u grad im erste Momänt si mir o ä chli, chli entüüscht gsy. Aber nume ganz weni lang. Mir wüsse, war mir a üsem Nils (oder Puppi, wie mir ihm rüefe) hei: eifach ä liebe, hoch aaständige u sehr aahängläche, wunderbare Wallach, wo mir fescht gärn hei!!

Är isch itz wider bi üs daheime u gniesst z Läbe i sire Herde.

Mir gönne ihm itze ä chli Erholig, är hett viu gschaffet i dä letschte drü Mönet. När luege mir de wyter. Finge sech liebe Mönsche, wo guet zu ihm luege, de zieht är wyter. Aber är isch üs überhoupt nid z viu u mir hange aui sehr a ihm. Är isch eifach dr Bescht!

Sini Feldstest-Resultat

Exterieur: 8 / 6 / 7

Fahren: 7.57

Reiten: 7.20

Mit ä chli Vrspätig hie äs paar Iidrück u Biuder vo üsere Hengstpräsentation. Bi wunderschönem aber chli luftigem Wätter hei viu Lüt dr Wäg zu üs ufe gfunge, merci viu Mau!

Dr Don Vomero HRE u dr Eragon si zwe super Hengste u hei sech guet bi üs iigläbt. Mir hei se gärn bi üs.

Itz hoffe mir uf viu Stutene u vor auem ä unfaufreii Decksaison.

Mäudet nech bi üs, mir hei freii Boxe für mit u ohni Fühli, mir fröie üs!

Wyteri Aagabe zu üsne Hengste findet dir unger äm Register "Hengste".